శివకార్తికేయన్‌ - నయనతార జంటగా నటించిన చిత్రం 'మిస్టర్‌ లోకల్‌'. రాజేష్‌ దర్శకుడు. స్టూడియోగ్రీన్‌ బ్యానరుపై జ్ఞానవేల్‌రాజా ఈ చిత్రాన్ని నిర్మించారు. ఈ నెల 17న చిత్రాన్ని తెరపైకి తీసుకురానున్నారు.

ఆదివారం ఈ సినిమా ట్రైలర్‌ను విడుదల చేశారు. లోకల్‌ కుర్రాడు, ఓ ధనవంతురాలైన కథానాయిక మధ్య జరిగే వినోదాత్మక కథే ఈ సినిమా అని ట్రైలర్ తో అర్థమవుతోంది. నయనతార చిటికెలేస్తూ శివకార్తికేయన్‌ను పిలవడం, గ్రామీణ పొలాల మధ్య, చీరకట్టుతో నయనతార కనిపించడం ట్రైలర్‌కు ప్రత్యేక ఆకర్షణలుగా నిలుస్తున్నాయి. మొత్తంగా ట్రైలర్ బాగుంది. కాస్త తమిళ వాసనలు తక్కువుంటే.. తెలుగులోనూ మంచి కలెక్షన్స్ రాబట్టే ఛాన్స్ ఉంది.