నటి సురేఖా వాణి భర్త సురేష్ తేజ మరణించారు. కొంతకాలంగా సురేష్ తేజ్ అనారోగ్యంతో బాధపడుతున్నారు. హైదరాబాద్‌లోని ఓ ప్రవేట్ హాస్పిటల్ లో చికిత్స పొందుతూ సోమవారం ఉదయం 12 గంటలకు తుది శ్వాస విడిచారు. సురేష్ మృతికి సినీ ప్రముఖులు సంతాపం తెలిపారు.

సురేష్ తేజ్ గతం లో టీవీ ప్రోగ్రాంలకు డైరెక్టర్ గా పనిచేశారు. నటి సురేఖా వాణి పలు సినిమాలలో, టీవీ షోలలో నటించి తనకంటూ ప్రత్యేకమైన గుర్తింపు తెచ్చుకున్నారు. భర్త సురేష్ తేజ, కూతురుతో కలిసి హైదరాబాద్‌లో జీవిస్తున్నారు. సురేఖా వాణి యాంకర్‌గా ఉన్న టైంలోనే సురేష్ తేజ ఆమెకు పరిచయం అయ్యారు. తర్వాత ఇద్దరూ ప్రేమించుకొని పెళ్లి చేసుకున్నారు. సురేష్ డైరెక్షన్‌లోనే మా టాకీస్, హార్ట్ బీట్, మొగుడ్స్ పెళ్లామ్స్ లాంటి టీవీ షోలకు సురేఖ యాంకరింగ్ చేశారు.