అబుధాబి: ఆసియాకి చెందిన ఓ వ్యక్తి, జెలసీ కారణంగా తన మాజీ గర్ల్‌ఫ్రెండ్‌ని హత్య చేసిన కేసులో నిందితుడికి న్యాయస్థానం ఏడేళ్ళ జైలు శిక్షను ఖరారు చేసింది. అప్పీల్‌ కోర్ట్‌ ఇచ్చిన తీర్పుని అబుదాబీ కస్సాషన్‌ కోర్ట్‌ సమర్థించింది. కేసు వివరాల్లోకి వెళితే, మృతురాలు, నిందితుడితో లవ్‌ ఎఫైర్‌ని తెగతెంపులు చేసుకుని, మరో వ్యక్తితో లవ్‌ ఎఫైర్‌ పెట్టుకోవడమే ఈ హత్యకు దారి తీసినట్లు తేలింది. 'బ్రేకప్‌' విషయమై ఇద్దరి మధ్యా గొడవ జరిగిందనీ, ఆ త్వాత నిందితుడు ప్లాన్‌ ప్రకారం కత్తితో అతని మాజీ గర్ల్‌ఫ్రెండ్‌పై దాడి చేశాడనీ పోలీసులు తెలిపారు. హత్యకు ఉపయోగించిన కత్తిని పోలీసులు స్వాధీనం చేసుకున్నారు.