పబ్లిక్‌ వర్క్స్‌ అథారిటీ (అష్‌గాల్‌) అల్‌ షమాల్‌ రోడ్‌కి సంబంధించి 500 మీటర్ల మేర రోడ్డుని మూసివేయనుంది. తాత్కాలికంగా ఈ మూసివేత అమల్లోకి రానుంది. సుమారు 4 నెలలపాటు ఈ రోడ్డుని మూసివేస్తారు. ఆదివారం నుంచి రోడ్డును మూసివేయనున్నట్లు అధికారుల వెల్లడించారు. రోడ్డు మూసివేతతో నార్త్‌ బౌండ్‌ క్యారేజ్‌ వే వైపుగా వాహనాలను డైవర్ట్‌ చేస్తారు. డైవర్షన్‌ కారణంగా రోడ్లుపై 60 కిలోమీటర్ల వరకు వేగ నియంత్రణ అమల్లోకి తెస్తారు. బ్రిడ్జ్‌ నిర్మాణం కోసమే తాత్కాలికంగా రోడ్డును మూసివేస్తున్నామనీ, అష్గాల్‌ వాహనదారులకోసం డైవర్షన్‌ సూచీ, హెచ్చరిక బోర్డులను ఏర్పాటు చేయనున్నట్లు అధికారులు చెప్పారు. భద్రతా కారణాల రీత్యా వేగాన్ని తగ్గించుకుని వాహనదారులు తమ వాహనాల్ని నడపవలసిందిగా అధికారులు విజ్ఞప్తి చేశారు.