ఫైనాన్షియల్‌ ఎఫైర్స్‌ మినిస్టర్‌ రెస్పాన్సిబుల్‌ దర్విష్‌ బిన్‌ ఇస్మాయిల్‌ అల్‌ మలుషి మాట్లాడుతూ, ప్రభుత్వం తీసుకున్న కొత్త నిర్ణయాల ప్రకారం సవరించిన ఇంధన ధరలు జనవరి 15 నుంచి అమల్లోకి రానున్నాయని చెప్పారు. అంతర్జాతీయ పరిస్థితులకు అనుగుణంగా ఇకపై ఇంధన ధరలు నెలవారీ సమీక్షలకు అనుగుణంగా ఉంటాయని ఆయన వివరించారు. ప్రతి నెలా మూడు రోజులకు ముందే సవరించిన ధరల గురించి ప్రకటన వెలువడనుంది. ఒమన్‌ ఎకానమీని దృష్టిలో పెట్టుకుని, అలాగే దేశంలో అభివృద్ధి, ఆర్థిక పరిస్థితుల్ని దృష్టిలో పెట్టుకుని ఈ నిర్ణయాలు తీసుకోవలసి వచ్చిందని అధికారిక వర్గాలు వెల్లడించాయి. ఆర్థిక పరిస్థితి మెరుగుపడి, అభివృద్ధిలో ముందుకు వెళ్ళడం ద్వారా దేశంలోని పౌరులకు మంచి జీవితాన్ని అందించగలమని అధికారులు చెప్పారు.