కోర్ట్‌ ఆఫ్‌ కాస్సేషన్‌, కాప్‌ని హత్య చేసిన నిందితుడికి మరణ శిక్షను సమర్థించింది. 2017 జూన్‌ 18వ తేదీన దిరాజ్‌లో ఓ పోలీస్‌ని నిందితుడు హత్య చేసినట్లు అభియోగాలు మోపబడ్డాయి. ఐఈడీని ఉపయోగించి నిందితుడు, కాప్‌ని హత్య చేశాడు. మొత్తం నలుగురు వ్యక్తులు పోలీస్‌ పెట్రోల్‌ వాహనాన్ని టార్గెట్‌ చేసినట్లు అధికారులు తేల్చారు. ఈ ఘనటలో అబ్దుల్‌సమాద్‌ అబ్దుల్లా ప్రాణాలు కోల్పోయారు. మరో ఇద్దరు తీవ్ర గాయాల పాలయ్యారు. ఈ కేసుకు సంబంధించి ముగ్గురు వ్యక్తులకు జీవిత శిక్షతోపాటు, 1000 బహ్రెయినీ దినార్స్‌ జరీమానా విధించింది న్యాయస్థానం. పోలీస్‌ వాహనాన్ని ధ్వంసం చేసిన కేసులో 2,301 బహ్రెయినీ దినార్స్‌ చెల్లించాలనీ ఆదేశించింది న్యాయస్థానం. అలాగే బహ్రెయినీ పౌరసత్వం కూడా నిందితులకు రద్దయ్యింది.