మస్కట్‌: పవిత్ర రమదాన్‌ మాసంలో పబ్లిక్‌గా తినడమే కాకుండా, దానికి సంబంధించిన వీడియోను సోషల్‌ మీడియాలో పోస్ట్‌ చేయడంపై పోలీసులు ఉక్కుపాదం మోపారు. నిందితుల్ని అరెస్ట్‌ చేసినట్లు రాయల్‌ ఒమన్‌ పోలీస్‌ పేర్కొంది. ఆర్టికల్‌ 277 ఒమన్‌ పీనల్‌ కోడ ప్రకారం, పవిత్ర రమదాన్‌ మోసంలో ఎవరైనా పబ్లిక్‌గా తినడం, తాగడం చేస్తే దాన్ని నేరంగా పరిగణిస్తారు. ఈ నేరానికిగాను 10 రోజులకు తక్కువ కాకుండా 3 నెలలకు మించకుండా జైలు శిక్ష ఎదుర్కోవాల్సి వస్తుంది. పవిత్ర రమదాన్‌ మాసంలో ముస్లింల సెంటిమెంట్స్‌ని గౌరవించాలనీ, వారి ఉపవాస దీక్షకు భంగం కలిగేలా ఎవరూ వ్యవహరించకూడదని అధికారులు పేర్కొన్నారు.