దోహా: ఖతార్‌ రైల్‌, మెట్రో రెడ్‌ లైన్‌లో మరిన్ని కొత్త స్టేషన్లను ప్రారంభించబోతోంది. కాగా, మెట్రో మరియు మెట్రోలింక్‌ సర్వీసులు మే 30 నుంచి జూన్‌ 4 వరకు పనిచేయవన, నెట్‌వర్క్‌ ఎక్స్‌పాన్షన్‌ టెస్టింగ్‌లో భాగంగా ఈ నిలిపివేత అమల్లో వుంటుందని ఖతార్‌ రైల్‌ వెల్లడించింది. నెట్‌వర్క్‌ ఎక్స్‌పాన్షన్‌ టెస్టింగ్‌ ద్వారా సర్వీసుల్ని విస్తరించడానికి వీలవుతుందనీ, కొత్త లైన్లను, కొత్త స్టేషన్లను ప్రారంభించేందుకు అవకాశం ఏర్పడుతుందని అధికారులు వివరించారు. హమాద్‌ ఇంటర్నేషనల్‌ ఎయిర్‌ పోర్ట్‌, కటారా, ఖతార్‌ యూనివర్సిటీ, లుసైల్‌ తదితర స్టేషన్లను రానున్న రోజుల్లో ఓపెన్‌ చేస్తామని చెప్పారు అధికారులు.