షార్జా: ఆరేళ్ళ భారతీయ చిన్నారి, షార్జాలోని మువైలిహ్‌లోని ఓ భవనం పైనుంచి కింద పడిపోయింది. ప్రస్తుతం ఆమె వైద్య చికిత్స పొందుతోంది. ఆమెకు వైద్యం అందిస్తోన్న డాక్టర్లు, బాధితురాలి ఆరోగ్య పరిస్థితి విషమంగా వున్నట్లు తెలిపారు. అల్‌ కాసిమి ఆసుపత్రి నుంచి తమకు బాలికకు సంబంధించిన సమాచారం అందిందని పోలీసులు వివరించారు. ఇండస్ట్రియల్‌ ఏరియా పోలీస్‌ స్టేషన్‌ నుంచి పెట్రోల్‌ అలాగే ఇన్వెస్టిగేషన్‌ టీమ్‌ సంఘటనా స్థలానికి చేరుకుని విచారణ ప్రారంభించాయి. ఆడుకుంటూ బాల్కనీలోకి వచ్చిన బాలిక అక్కడినుంచి కింద పడిపోయినట్లు ప్రాథమికంగా పోలీసులు నిర్ధారించారు. ఆ సమయంలో చిన్నారి పేరెంట్స్‌ ఇంట్లోనే వున్నా, ఆమెను గమనించలేదని పోలీసులు తెలిపారు. శరీరమంతా చిన్నారికి గాయాలు వున్నాయనీ, పలు భాగాలు ఫ్రాక్చర్స్‌ అయ్యాయని వైద్యులు వివరించారు. ప్రస్తుతం ఆర్టిఫీషియల్‌ రెస్పిరేషన్‌పై (వెంటిలేటర్‌) చికిత్స పొందుతోంది చిన్నారి.