అబుధాబి:క్యాపిటల్‌లోని దాదాపు అన్ని షాపింగ్‌ మాల్స్‌ ఈద్‌ సందర్భంగా షాపర్స్‌తో పోటెత్తాయి. భారీ డిస్కౌంట్లతో షాపింగ్‌ మాల్స్‌ వినియోగదారుల్ని ఆకట్టుకునేందుకు ప్రయత్నించాయి. యస్‌ మాల్‌, మెరీనా మాల్‌, వరల్డ్‌ ట్రేడ్‌ సెంటర్‌ మాల్‌, దల్మా మాల్‌, బవాదీ మాల్‌, హిలి మాల్‌ మరియు అల్‌ జిమి మాల్‌ అలాగే 500 స్టోర్స్‌ ఈ డిస్కౌంట్‌ సేల్స్‌లో పాల్గొన్నాయి. ప్రధానంగా అల్‌ వహ్దా మాల్‌, అబుదాబీ మాల్‌, ముష్రిఫ్‌ మాల్‌ భారీ డిస్కౌంట్ల కారణంగా సందర్శకులతో కిటకిటలాడాయి. రిటైలర్స్‌, చాలా ఉత్పత్తుల ధరల్ని తగ్గించి ఈద్‌ సందర్భంగా షాపర్స్‌ ఎక్కువగా వచ్చేలా చేసుకున్నారు. బట్టలు, షూస్‌, బ్యాగ్స్‌, జ్యుయెలరీ, పెర్ఫ్యూమ్స్‌, ఎలక్ట్రానిక్‌ ప్రోడక్ట్స్‌, హోమ్‌ వేర్‌, చిల్డ్రన్స్‌ టాయ్స్‌.. ఇంకా అనేక వస్తువుల్ని పెద్దయెత్తున కొనుగోలు చేశారు.