ఒమన్‌లో భారీ వర్షాలుఒమన్‌లోని ముసాందమ్‌, బురైమి గవర్నరేట్స్‌ పరిధిలో భారీ వర్షాలు కురిశాయి. ఖసాబ్‌ ప్రావిన్స్‌లోని వాదిస్‌, ముసాందామ్‌లోని మఖా, మరియు బిబ్బా ప్రాంతాలు వర్షపు నీటితో వాహనదారులకు ఇబ్బందిగా పరిణమించాయి. ఈ భారీ వర్షాలతో ఇప్పటివరకూ ఎలాంటి మరణాలూ చోటు చేసుకోలేదని పబ్లిక్‌ అథారిటీ ఫర్‌ సివిల్‌ డిఫెన్స్‌ మరియు అంబులెన్స్‌ అధికారులు వెల్లడించారు. ఒమన్‌ ఉత్తర ప్రాంతాలైన దక్లియా, దహరి మరియు మస్కట్‌ గవర్నరేట్స్‌ పరిధిలో మధ్యస్థం నుంచి భారీ వర్షాలు కురిసే అవకాశం ఉంది. లోతట్టు ప్రాంతాల్లోనివారు సురక్షిత ప్రాంతాలకు వెళ్ళాలని అధికారులు హెచ్చరిస్తున్నారు.