అబుధాబి: అరబ్‌ వ్యక్తి ఒకరు డ్రగ్స్‌ కేసులో తనపై అభియోగాలు మోపడాన్ని న్యాయస్థానంలో సవాల్‌ చేశారు. కేసు వివరాల్లోకి వెళితే, నిందితుడిపై అనుమానంతో పోలీస్‌ అధికారి ఒకరు అతన్ని పట్టుకునేందుకు ప్రయత్నించగా, నిందితుడు పారిపోయాడు. ఈ క్రమంలో అతను మ్యాన్‌ హోల్‌లో పడిపోయారు. అతనితోపాటు, పోలీస్‌ అధికారికి కూడా ఈ ఘటనలో స్వల్ప గాయాలయ్యాయి. డ్రగ్స్‌ కేసుతోపాటు, పోలీసుల నుంచి తప్పించుకునేందుకు ప్రయత్నించిన కేసులోనూ నిందితుడిపై అభియోగాలు మోపబడ్డాయి. అయితే, తన కుమారుడు రోడ్డు ప్రమాదానికి గురై, వైద్య చికిత్స పొందాడనీ, ఈ క్రమంలో డాక్టర్‌ సూచించిన మందుల్ని వినియోగిస్తున్నాడనీ, మరోపక్క యాక్సిడెంట్‌ కారణంగా మానసిక సమస్యలూ తలెత్తాయనీ, అంతే తప్ప తన కుమారుడు నేరస్తుడు కాదని నిందితుడి తండ్రి న్యాయస్థానానికి విన్నవించారు. ఈ కేసు విచారణను జూన్‌ 25కి వాయిదా వేసింది న్యాయస్థానం.