కువైట్‌: కువైటీ మహిళకు చెందిన క్రెడిట్‌ కార్డ్‌ని దొంగిలించిన వ్యక్తిని క్రిమినల్‌ ఇన్వెస్టిగేషన్స్‌ డిపార్ట్‌మెంట్‌ అరెస్ట్‌ చేసింది. దొంగిలించిన క్రెడిట్‌ కార్డుతో, నిందితుడు పలు కొనుగోళ్ళు చేసినట్లు అధికారులు గుర్తించారు. మహిళ ఫిర్యాదుతో రంగంలోకి దిగిన పోలీసులు, నిందితుడ్ని భారతదేశానికి చెందిన వ్యక్తిగా గుర్తించారు. నిందితుడు క్రెడిట్‌ కార్డు వినియోగించిన ఓ షాప్‌ తాలూకు సీసీటీవీ కెమెరా ఫుటేజ్‌ని పరిశీలించిన పోలీసులు, అతని కోసం సెర్చ్‌ ఆపరేషన్‌ నిర్వహించి, చాకచక్యంగా పట్టుకున్నారు. నిందితుడిపై చట్టపరమైన చర్యలు తీసుకుంటామని అధికారులు వెల్లడించారు.