అబుధాబిలోని ఇండియన్‌ ఎంబసీ, అబుదాబీ మలయాళీ సమాజం నుంచి కాన్సులర్‌ సేవలు అందించేందుకు సిద్ధమవుతోంది. ముస్సాఫా ఇండస్ట్రియల్‌ ఏరియాలో వున్న ఒకే ఒక్క రిజిస్టర్డ్‌ ఇండియన్‌ అసోసియేషన్‌ ఇది. వేలాది మంది బ్లూ కాలర్‌ వర్కర్స్‌, వారి కుటుంబాలకు ఈ నిర్ణయం ఎంతో మేలు చేస్తుందని అధికారులు అంటున్నారు. పాస్‌పోర్ట్‌ రెన్యువల్‌, అటెస్టేషన్‌ ఆఫ్‌ సర్టిఫికెట్స్‌ అలాగే వీసా సంబంధిత పేపర్‌ వర్క్స్‌ కోసం ఇకపై సుదూరంలో వున్న సిటీకి వెళ్ళాల్సిన అవసరం వుండదు. ఈ ఇనీషియేటివ్‌కి అప్రూవల్‌ లభించిందనీ, యూఏఈలో భారత రాయబారి నవదీప్‌ సింగ్‌ సూరి ప్రాథమికంగా ఈ మేరకు అప్రూవల్‌ ఇచ్చారని ఎంబసీ కౌన్సెలర్‌ రాజమురుగన్‌ చెప్పారు. ఈ ఆదివారం ఎంబసీకి చెందిన అధికారులు అబుధాబి మలయాళ సమాజంను సందర్శించి, ఇక్కడి వసతుల్ని తెలుసుకుంటారని ఆయన అన్నారు.