కువైట్‌ సిటీ: సల్వాలోని ఓ హౌస్‌ సైడ్‌ వాక్‌ వద్ద అప్పుడే జన్మించిన చిన్నారిని గుర్తు తెలియని వవ్యక్తులు వదలి వెళ్ళారు. చిన్నారి ఏడుపుని విన్న ఓ వ్యక్తి, ఆపరేషన్స్‌ రూమ్‌కి సమాచారం అందించగా, పారామెడిక్స్‌తోపాటు పోలీస్‌ కూడా సంఘటనా స్థలానికి చేరుకున్నారు. ఆ చిన్నారికి తక్షణం ప్రాథమిక చికిత్స అందించి ఆసుపత్రికి తరలించారు. ప్రస్తుతం ఆ చిన్నారి ఆరోగ్యం బాగానే వుందని వైద్యులు తెలిపారు. చిన్నారి తల్లిదండ్రుల కోసం పోలీసులు అన్వేషిస్తున్నారు.