అల్‌ కులయ్యా మరియు అల్‌ మజారాహ్‌ ప్రాంతాల మధ్య షేక్‌ సుల్తాన్‌ బిన్‌ సక్ర్‌ అల్‌ కాసిమి వైపు వెళ్ళే వాహనదారులు ఇకపై ఒకింత అప్రమత్తంగా వుండాల్సి వస్తుంది. 22 రోజులపాటు ఈ రోడ్డులో పాక్షికంగా క్లోజర్‌ని అమలు చేస్తున్నారు. జూన్‌ 22 నుంచి జులై 11 వరకు ఈ పాక్షిక మూసివేత అమల్లో వుంటుందని షార్జా రోడ్స్‌ అండ్‌ ట్రాన్స్‌పోర్ట్‌ అథారిటీ వెల్లడించింది. ఈ డైవర్షన్‌ని క్లోజర్‌ కంటే ఎక్కువగా అభివర్ణించారు. రెండు ఫేజ్‌లలో దీన్ని మెయిన్‌టెనెన్స్‌ చేయబోతున్నారు. అల్‌ కులయ్యా మరియు అల్‌ మజారా ప్రాంతాల మధ్య తిరిగే వాహనదారులకు ఈ కారణంగా ఇబ్బందులు ఎదురవుతాయి. రోడ్‌ సైన్‌ బోర్డ్స్‌ని బట్టి వాహనదారులు తమ వాహనాల్ని నడపాల్సి వుంటుందని అధికారులు సూచించారు. ఆర్టీయే ఎప్పటికప్పుడు వాహనదారుల ఫిర్యాదుల్ని స్వీకరించడానికి సిద్ధంగా వుంటుందని వారు తెలిపారు.