కువైట్: మినిస్ట్రీ ఆఫ్‌ ఇంఈరియర్‌ టీమ్‌ సాల్మియా మరియు జ్లీబ్‌లలో 500 మందికి పైగా అక్రమ వలసదారుల్ని అరెస్ట్‌ చేయడం జరిగింది. ఇంటీరియర్‌ మినిస్ట్రీ అసిస్టెంట్‌ అండర్‌ సెక్రెటరీ ఫర్‌ జనరల్‌ సెక్యూరిటీ ఎఫైర్స్‌ లెఫ్టినెంట్‌ జనరల్‌ షేక్‌ ఫైజల్‌ అల్‌ నవాఫ్‌ అల్‌ సబా నేతృత్వంలో ఈ సోదాలు జరిగాయి. సాల్మియాలో 226 మందిని, జ్లీబ్‌ అల్‌ షుయోఖ్‌లో 296 మందిని అరెస్ట్‌ చేశారు. వీసా గడువు ముగియడం, స్పాన్సరర్స్‌ నుంచి తప్పించుకోవడం, సరైన పత్రాలు కలిగి లేకపోవడం వంటి ఉల్లంఘనల నేపథ్యంలో వీరిని అరెస్ట్‌ చేశారు. లేబర్స్‌ ఎక్కువగా వుండే ప్రాంతాల్లో ఈ తనిఖీలు తరచూ జరుగుతుంటాయని అధికారులు తెలిపారు.