సౌదీ అరేబియా: సౌత్‌ వెస్టర్న్‌ సౌదీ అరేబియాలో హౌతీ డ్రోన్‌ని కూల్చివేసినట్లు అరబ్‌ కోలిషన్‌ వెల్లడించింది. ఇరాన్‌ మద్దతుతో హౌతీ మిలీషియా ఈ డ్రోన్‌ని సౌదీ అరేబియా మీదకు ప్రయోగించిందని అధికారులు పేర్కొన్నట్లు సౌదీ ప్రెస్‌ ఏజెన్సీ తెలిపింది. అరబ్‌ కోలిషన్‌ అధికార ప్రతినిథి కల్నల్‌ టుర్కి అల్‌ మాలికి మాట్లాడుతూ, పౌరులు ఎక్కువగా వుండే ప్రాంతాలే లక్ష్యంగా హౌతీ తీవ్రవాదులు దాడలుకు పాల్పడుతున్నట్లు చెప్పారు. తాజా ఘటనలో ఎవరికీ ఎలాంటి గాయాలూ కాలేదని ఆయన వివరించారు. అత్యంత అప్రమత్తంగా వుంటూ ఎప్పటికప్పుడు హౌతీ దాడుల్ని ఎదుర్కొంటున్నామని అన్నారు కల్నల్‌ టుర్కి అల్‌ మాలికి.