మస్కట్‌: 14 మంది ఆసియా వలసదారుల్ని డీజిల్‌ స్మగ్లింగ్‌ కేసులో అరెస్ట్‌ చేసినట్లు రాయల్‌ ఒమన్‌ పోలీస్‌ పేర్కొంది. ముసాందమ్‌ కోస్ట్‌ గార్డ్‌ నిందితుల్ని డీజిల్‌ స్మగ్లింగ్‌ చేస్తుండగా అరెస్ట్‌ చేయడం జరిగింది. ముసాందం అలాగే కుమ్జార్‌కోస్ట్‌గార్డ్‌ పోలీస్‌, డీజిల్‌ స్మగ్లింగ్‌ బోట్‌ని సీజ్‌ చేయడం జరిగిందనీ, ఇందులో 14 మంది ఆసియా జాతీయులు వున్నారని, వారిని అరెస్ట్‌ చేశామనీ రాయల్‌ ఒమన్‌ పోలీస్‌ ఆన్‌లైన్‌ ద్వారా విడుదల చేసిన ప్రకటనలో పేర్కొంది. అరెస్ట్‌ చేసినవారిని ముసాందమ్‌లోని కస్టమ్స్‌ డిపార్ట్‌మెంట్‌కి అప్పగించారు.