అబుధాబిలో జరిగిన రెండు వేర్వేరు ప్రమాదాల్లో తొమ్మిది మంది చిన్నారులు గాయపడ్డారు. మొదటి ఘటనలో ఆరుగురు చిన్నారులు గాయపడగా, మరో ఘటనలో ముగ్గురికి గాయాలయ్యాయి. కాగా, ఈ ప్రమాదంలో ఆసియాకి చెందిన బాలికకు తీవ్రగాయాలైనట్లు అధికారులు వెల్లడించారు. మొత్తం 9 మంది చిన్నారులతోపాటు, ఇద్దరు మహిళలు కూడా గాయపడ్డారు. స్కూల్‌ బస్‌లను కార్లు ఢీ కొనడంతో ఈ ప్రమాదాలు జరిగాయి. వాహనదారులు రోడ్లపై అప్రమత్తంగా వుండాలనీ, ట్రాఫిక్‌ నిబంధనలు పాటించాలని ట్రాఫిక్‌ అండ్‌ పెట్రోల్స్‌ డిపార్ట్‌మెంట్‌ డైరెక్టర్‌ బ్రిగేడియర్‌ మొహమ్మద్‌ దహి అల్‌ హుమైరి విజ్ఞప్తి చేశారు.