షార్జా: షార్జా రూలర్‌ డాక్టర్‌ షేక్‌ సుల్తాన్‌ బిన్‌ మొహమ్మద్‌ అల్‌ కాసిమి కుమారుడు షేక్‌ ఖాలిద్‌ బిన్‌ సుల్తాన్‌ బిన్‌ మొహమ్మద్‌ అల్‌ కాసిమి యునైటెడ్‌ కింగ్‌డమ్‌లో మృతి చెందారు. ఆయన వయసు 39 సంవత్సరాలు. ఈ నేపథ్యంలో ఎమిరేట్‌ ఆఫ్‌ షార్జాలో 3 రోజులు సంతాప దినాల్ని ప్రకటించారు. తనయుడి మృతితో విషాదంలో మునిగిపోయిన డాక్టర్‌ షేక్‌ సుల్తాన్‌ బిన్‌ మొహమ్మద్‌ అల్‌ కాసిమికి ప్రగాఢ సానుభూతి తెలిపారు సుల్తాన్‌ కబూస్‌ బిన్‌ సైద్‌. పలువురు రూలర్స్‌ ఈ సందర్భంగా షేక్‌ సుల్తాన్‌ బిన్‌ మొహమ్మద్‌ అల్‌ కాసిమికి ప్రగాఢ సానుభూతి తెలుపుతూ కేబుల్‌ ఆఫ్‌ కండోలెన్స్‌లను పంపారు. షేక్‌ సుల్తాన్‌ కుటుంబానికి ఈ కష్టం నుంచి కోలుకునే ధైర్యం ప్రసాదించాలని అల్లాని వేడుకుంటున్నట్లు పేర్కొన్నారు.