వెండితెరపై తనదైన హాస్యంతో ఎంతో మంది అభిమానుల గుండెల్లో చెరగని ముద్ర వేసుకున్న గొప్ప నటుడు అల్లు రామలింగయ్య. విభిన్న పాత్రలలో నటించి మెప్పించిన అల్లు రామలింగయ్య తనకొక సపరేట్ కామెడీ ట్రాక్‌ని సెట్ చేసుకున్నారు. ఎంతోమంది కమెడీయన్లకు ఈయన మార్గ దర్శకుడిగా మారగా, అల్లు రామలింగయ్య పేరుతో ప్రతీ సంవత్పరం ఒక జాతీయ పురస్కారాన్ని అందిస్తూ వస్తున్నారు. ఈ ఏడాది కూడా ఆ అవార్డును మెగా స్టార్ చేతుల మీదుగా అందజేయనున్నారు.అల్లు రామలింగయ్య పేరుతో ఏర్పాటు చేసిన అల్లు జాతీయ పురస్కారం అవార్డును ఈ సంవత్సరం శతాధిక చిత్రాల దర్శకుడు రాఘవేంద్రరావుకు అందజేయనున్నారు. చిరంజీవి చేతుల మీదుగా ఈ అవార్డు అందజేయనుండగా, ఈ కార్యక్రమం రేపు సాయంత్రం హైదరాబాద్‌లోని సత్యసాయి నిగమాగమంలో జరగనుంది.ఈ కార్యక్రమానికి సినీ ప్రముఖులే కాక పలువురు రాజకీయ నాయకులు కూడా హాజరు కానున్నట్టు సమాచారం.