సౌదీ అరేబియా:వెనిస్‌ ఇంటర్నేషనల్‌ ఫిలిం ఫెస్టివల్‌లో సౌదీ సినిమా ది పెర్‌ఫెక్ట్‌ క్యాండిడేట్‌ ప్రధాన ఆకర్షణ కానుంది. గోల్డెన్‌ లయన్‌ ప్రైజ్‌ కోసం మొత్తం 14 అంతర్జాతీయ ఫిలింస్‌, ది పెర్‌ఫెక్ట్‌ క్యాండిడేట్‌తో పోటీ పడుతున్నాయి. హైపా అల్‌ మన్సౌర్‌ దర్శకత్వంలో రూపొందిన ది పెర్‌ఫెక్ట్‌ క్యాండిడేట్‌, ఈ కాంపిటీషన్‌లో పాల్గొంటున్న తొలి సౌదీ సినిమాగా నిలిచింది. కెనడానికి చెందిన అటోమ్‌ ఓగోయాన్‌, స్వీడన్‌కి చెందిన రాయ్‌ అండర్సన్‌, జపాన్‌కి చెందిన హిరోకాజు కోరె-ఇడిలతో అల్‌ మన్సౌర్‌ పోటీ పడుతున్నారు. స్థానిక మునిసిపల్‌ ఎన్నికల్లో పాల్గొన్న ఓ యంగ్‌ సౌదీ ఫిమేల్‌కి సంబంధించిన కథ ఈ 'ది పెర్‌ఫెక్ట్‌ క్యాండిడేట్‌'. గతంలో వెనీస్‌ హారిజనోన్స్‌ అవార్డ్‌ కార్యక్రమంలో 'ఔజ్దా' సినిమాతో పోటీ పడి అల్‌ మన్సౌర్‌ మూడు బహుమతుల్ని గెలుచుకున్నారు.