దుబాయ్:యూఏఈలో ఫ్యామిలీ వీసాతో నివసిస్తున్న మగవారికి అక్కడి ప్రభుత్వం గుడ్‌న్యూస్ చెప్పింది. ఇకపై ఫ్యామిలీ వీసా కలిగి ఉన్న మగవారికి కూడా వర్క్ పర్మిట్‌లను జారీ చేయనున్నట్టు మానవ వనరులు, ఎమిరేటైజేషన్ మంత్రిత్వ శాఖ తెలియజేసింది. ఈ నూతన నిబంధనలు అనేక కంపెనీలకు, అదే విధంగా అనేక కుటుంబాలకు లాభం చేకూరుస్తాయని మంత్రిత్వ శాఖ తెలిపింది. ఇప్పటివరకు అనేక కంపెనీలు మగ వర్కర్ల కోసం బయట దేశాల వైపు చూసేయని, ఇప్పుడు ఈ నిబంధనతో స్థానికులకే ఉద్యోగ అవకాశం లభిస్తుందని మానవ వనరులశాఖ మంత్రి నాజర్ బిన్ థానీ అల్ హమ్లీ చెప్పారు.