బహ్రెయిన్‌:లిక్కర్‌ బాటిల్స్‌ని విక్రయించేందుకు వీలుగా తన కోల్డ్‌ స్టోర్‌ని వినియోగించుకున్న ఓ ఆసియాకి చెందిన వ్యక్తికి జైలు శిక్ష విధించింది న్యాయస్థానం. తన కోల్డ్‌ స్టోర్‌లో లిక్కర్‌ బాటిల్స్‌ని దాచి, ఎంపిక చేసుకున్న వ్యక్తులకు మాత్రమే విక్రయిస్తూ వచ్చాడని నిందితుడి గురించిన వివరల్ని ప్రాసిక్యూటర్స్‌ వెల్లడించారు. పక్కా సమాచారంతో సోదాలు నిర్వహించగా, నిందితుడికి చెందిన కోల్డ్‌ స్టోర్‌లో 52 లిక్కర్‌ బాటిల్స్‌ని కనుగొన్నారు. కాగా, అతని నుంచి 18 బహ్రెయినీ దినార్స్‌ విలువైన కరెన్సీ బిల్స్‌ని స్వాధీనం చేసుకున్నారు. విచారణలో నిందితుడు తన నేరాన్ని అంగీకరించాడు. కాగా, న్యాయస్థానం నిందితుడికి మూడు నెలల జైలు శిక్ష విధించింది. జైలు శిక్ష పూర్తయ్యాక, నిందితుడ్ని దేశం నుంచి డిపోర్ట్‌ చేస్తారు. కింది కోర్టు ఇచ్చిన తీర్పుని పై కోర్టు కూడా సమర్థించడంతో అప్పీల్‌ చేసుకునే అవకాశాలు కూడా లేకుండా పోయాయి నిందితుడికి.