శంకర్‌ దర్శకత్వంలో తెరకెక్కుతున్న చిత్రం 'భారతీయుడు2'. ఈ చిత్రంలో నటుడు కమల్‌హాసన్‌..కాజల్‌ నటిస్తున్నారు. ఎప్పుడో కొబ్బరికాయ కొట్టిన ఈ చిత్రం మూడు అడుగులు ముందుకు ఆరు అడుగులు వెనక్కి అన్న చందంగా ఉంది. ఈ నేపథ్యంలో కమల్‌హాసన్‌ తాజా లుక్‌ చూస్తుంటే త్వరలోనే ఈ సినిమా మళ్లీ పట్టాలెక్కే అవకాశం ఉందని కోలీవుడ్‌ వర్గాలు అంటున్నాయి. కమల్‌ ప్రస్తుతం తమిళ బిగ్‌బాస్‌కు వ్యాఖ్యాతగా వ్యవహరిస్తు న్నాడు. తాజాగా ఆయన క్లీన్‌ షేవ్‌తో కనిపించారు. దీంతో తాజా లుక్‌ 'భారతీయుడు2' కోసమేనని సినీ వర్గాలు చెబుతున్నాయి. దాదాపు రెండు దశాబ్దాల తర్వాత కమల్‌-శంకర్‌ దర్శకత్వంలో తెరకెక్కుతున్న చిత్రం కావడంతో సినిమాపై భారీ అంచనాలు ఉన్నాయి. ఆగస్టు 19వ తేదీ నుంచి రాజమహేంద్రవరంలో షూటింగ్‌ చేస్తార ట. అయితే, దీనిపై చిత్ర బృందం నుంచి ఎలాంటి స్పందనా రాలేదు.