పాకిస్తానీ క్రికెటర్‌ హసన్‌ అలీ వివాహం ఇండియన్‌ ఏరోనాటికల్‌ ఇంజనీర్‌ సమియా అర్జూతో జరిగింది. దుబాయ్‌లో ఈ వివాహం జరగగా, కేవలం 30 మంది అత్యంత సన్నిహితులు, కుటుంబ సభ్యులు మాత్రమే ఈ పెళ్లికి హాజరయ్యారు. అట్లాంటిస్‌ - ది పామ్‌ వద్ద ఈ వివాహం జరిగింది. అలీ - అర్జూ గత కొంతకాలంగా ప్రేమించుకుంటున్నారు. కాగా, అర్జూ దుబాయ్‌లో నివసిస్తున్నారు. ఆమె ఎయిర్‌ హోస్టెస్‌గా విధులు నిర్వహిస్తున్నారు. క్లోజ్‌ ఫ్రెండ్‌ సర్కిల్‌ ద్వారా అర్జూ, హసన్‌ అలీ మధ్య ప్రేమ చిగురించింది. పెళ్ళిలో ఇండియన్‌ లుక్‌తో కన్పించిన అర్జూ, రిసెప్షన్‌లో పాకిస్తానీ సంప్రదాయ వస్త్రధారణతో ఆకట్టుకున్నారు. పాకిస్తాన్‌లో వీరిద్దరి వివాహ రిసెప్షన్‌ జరగనుంది.