కువైట్‌ సిటీ: పోలీసులు ఓ గుర్తు తెలియని వ్యక్తిని అరెస్ట్‌ చేశారు. ఓ మహిళను, ఆమె కుమార్తెను నిందితుడు వేధిస్తున్నట్లు పోలీసులు పేర్కొన్నారు. బాధితురాలు తన కుమారుడిపై నిందితుడు దాడి చేసినట్లు పోలీసులకు ఫిర్యాదు చేశారు. నిందితుడు తనను తన కుమార్తెను ఫాలో అవుతూ వస్తున్నాడనీ, తమను వేధిస్తున్నాడనీ, ఈ క్రమంలో తన కుమారుడు నిందితుడ్ని నిలదీసేసరికి, హఠాత్తుగా దాడి చేశాడని ఫిర్యాదులో పేర్కొన్నారు బాధితురాలు. గాయపడ్డ తన కుమారుడ్ని ఆసుపత్రికి తరలించి వైద్య చికిత్స చేయించామని పోలీసులకు అందించిన ఫిర్యాదులో వివరించారు బాధితురాలు. కేవలం గంట వ్యవధిలోనే పోలీసులు నిందితుడ్ని అరెస్ట్‌ చేయడం జరిగింది. 

షేక్ బాషా(కువైట్)