మాస్ మహారాజా రవితేజ నటిస్తున్న తాజా చిత్రం 'డిస్కో రాజా'. ఎస్ఆర్‌టీ మూవీస్ బ్యానర్‌పై వీఐ ఆనంద్ దర్శకత్వంలో రామ్ తల్లూరి నిర్మిస్తున్న ఈ చిత్రానికి సంబంధించి ఫస్ట్‌లుక్ విడుదలైంది. వినాయక చవితి సందర్భంగా సోమవారం ఫస్ట్‌లుక్‌ను విడుదల చేశారు.

సోఫాలో దర్జాగా కూర్చుని ఓ చేతిలో సిగార్ పట్టుకుని మరో చేతిలో గన్నుతో దరహాసం చిందిస్తున్న రవితేజ లుక్ ఆకట్టుకుంటోంది. తమన్ సంగీతమందిస్తున్న ఈ చిత్రంలో పాయల్ రాజ్‌పుత్, నభా నటేశ్ హీరోయిన్లుగా నటిస్తున్నారు. రివేంజ్ డ్రామా బ్యాక్‌డ్రాప్‌లో తెరకెక్కుతున్న 'డిస్కో రాజా' డిసెంబర్‌లో విడుదల కానుంది.