బహ్రెయినీ మహిళ ఒకరు తన భర్తపై పోలీసులకు ఫిర్యాదు చేసింది. తన బ్యాంక్‌ అకౌంట్‌ నుంచి 10,000 దినార్స్‌ దొంగిలించిన తన భర్త, అతని గర్ల్‌ఫ్రెండ్‌తో కలిసి షికారు వెళ్ళినట్లు తన ఫిర్యాదులో పేర్కొన్నారు బాధితురాలు. తన సిగ్నేచర్‌ని ఫోర్జరీ చేసి, తన భర్త ఈ దొంగతనానికి పాల్పడినట్లు తెలిపారు బాధితురాలు. ఖామిస్‌ పోలీస్‌ స్టేషన్‌లో బాధితురాలి పిర్యాదు మేరకు పోలీసులు కేసు నమోదు చేశారు. తనను మోసం చేసిన భర్త నుంచి విడాకులు కోరుతున్నారు బాధితురాలు. కేసుని ఫ్యామిలీ మరియు చైల్డ్‌ ప్రాసిక్యూషన్‌కి రిఫర్‌ చేయడం జరిగింది. అయితే, బాధితురాలికి సగం డబ్బు చెల్లించేందుకు ఒప్పుకున్న నిందితుడు, మిగతా మొత్తాన్ని త్వరలో ఇచ్చేస్తానని హామీ ఇవ్వడం జరిగింది. వీరికి ఇద్దరు పిల్లలున్నారు. మిగతా మొత్తం చెల్లించకుండా, విడాకులు కావాలంటూ కోర్టును ఆశ్రయిస్తున్నట్లు బాధితురాలు మరో ఫిర్యాదు కూడా చేయడం జరిగింది.