యూఏఈ తొలి ఆస్ట్రోనాట్‌ హజ్జా అల్‌ మన్సూరి, అంతర్జాతీయ అంతరిక్ష కేంద్రం నుంచి తొలిసారిగా ట్వీట్‌ చేశారు. ఐదు రోజుల క్రితం కజకిస్తాన్‌లోని బైకనూర్‌ నుంచి సోయుజ్‌ రాకెట్‌ ద్వారా అంతర్జాతీయ అంతరిక్ష కేంద్రానికి హజ్జా చేరుకున్న విషయం విదితమే. తాను చేసిన తొలి ట్వీట్‌లో, ఐఎస్‌ఎస్‌కి సంబంధించిన ఫొటోని షేర్‌ చేశారు. క్షణాల్లో ఈ ట్వీట్‌కి లైక్‌లు, రీ-ట్వీట్లు, కామెంట్లు పోటెత్తాయి. యూఏఈ నుంచి తొలిసారి అంతరిక్షంలోకి వెళ్ళిన వ్యక్తిగా హజ్జా అల్‌ మన్సౌరి ఇప్పటికే రికార్డు సృష్టించిన విషయం విదితమే. అక్కడ ఆయన తన ప్రయోగాల్ని కొనసాగిస్తున్నారు. త్వరలో ఆయన తిరిగి భూమిని చేరుకోనున్నారు.