దుబాయ్‌లోని పలు ప్రాంతాల్లో ఓ మోస్తరు వర్షం కురిసింది. దేశంలోని కొన్ని ప్రాంతాల్లో భారీ వర్షం కూడా నమోదయినట్లు వాతావరణ శాఖ పేర్కొంది. ఫుజారియాలో ఈ రోజు ఉదయం భారీ వర్షం కురిసినట్లు అధికారులు పేర్కొన్నారు. భారీ వర్ష సూచన నేపథ్యంలో ముందస్తుగానే పోలీసులు, వాహనదారుల్ని హెచ్చరించారు. కాగా, భారీ వర్షాలతో లో లెవల్‌ ఏరియాస్‌లో నీరు నిలిచిపోయి వాహనదారులు ఇబ్బందులు పడ్డారు. మరోపక్క, నేషనల్‌ మిటియరాలజీ డిపార్ట్‌మెంట్‌, 'సీ' వార్నింగ్‌ జారీ చేసింది. సముద్ర కెరటాలు 7 అడుగుల ఎత్తు వరకు పెరిగే అవకాశం వున్నట్లు హెచ్చరించింది మిటియరాలజీ డిపార్ట్‌మెంట్‌.