మస్కట్‌: రెక్లెస్‌ డ్రైవింగ్‌కి పాల్పడ్డ ఓ వ్యక్తిని పోలీసులు అదుపులోకి తీసుకున్నారు. అల్‌ బతినా గవర్నరేట్‌ పరిధిలో ఈ ఘటన చోటు చేసుకుంది. నిందితుడ్ని అరెస్ట్‌ చేసిన విషయాన్ని రాయల్‌ ఒమన్‌ పోలీస్‌ ఆన్‌లైన్‌లో విడుదల చేసిన ప్రకటన ద్వారా తెలియజేసింది. సోషల్‌ మీడియాలో ఈ మేరకు వీడియో సర్కులేషన్‌లో వుందనీ, ఆ వీడియో ఆధారంగా నిందితుడ్ని గుర్తించి, అరెస్ట్‌ చేశామనీ, హైవేపై ప్రమాదకర రీతిలో తన కారుని నిందితుడు నడిపాడనీ పోలీసులు పేర్కొన్నారు. నిందితుడిపై చట్టపరమైన చర్యలు తీసుకుంటామనీ అధికారులు వివరించారు.