యూఏఈ: పదేళ్ళ చిన్నారి హాట్‌ బాత్‌ టబ్‌లో మునిగి ప్రాణాలు కోల్పోయింది. బాత్‌ టబ్‌లోని ఫిల్టర్‌లో చిన్నారి జుట్టు ఇరుక్కుపోవడంతో ఆమె నీట మునిగి ఊపిరి ఆడక చనిపోయినట్లు ప్రాథమికంగా నిర్ధారించారు. బుర్‌ దుబాయ్‌ పోలీస్‌ స్టేషన్‌ పరిధిలో ఈ ఘటన జరిగింది. తన ఇంట్లోనే వున్న హాట్‌ బాత్‌ టబ్‌ ఆ చిన్నారిని బలిగొనడం పట్ల సర్వత్రా విస్మయం వ్యక్తమవుతోంది. బాత్‌ టబ్‌లోకి వెళ్ళేందుకు చిన్నారి తన తండ్రిని పర్మిషన్‌ అడగ్గా, ఆయన తిరస్కరించారనీ, కాస్సేపటి తర్వాత తన కుమార్తె కన్పించకపోవడంతో ఆమె కోసం వెతికిన కుటుంబ సభ్యులకు చిన్నారి విగత జీవిగా బాత్‌ టబ్‌లో కనిపించిందనీ ప్రత్యక్ష సాక్షులు పేర్కొన్నారు. ఫోరెన్సిక్‌ టీమ్‌ కేసు విచారణకు సంబంధించి ఆధారాల్ని సేకరించే పనిలో పడింది.