యూఏఈ: వింటర్‌ సీజన్‌కి ముందు యూఏఈలో వాతావరణం ప్రశాంతంగా మారుతోంది. ఉష్ణోగ్రతలు గణనీయంగా తగ్గుతున్నాయి. అక్టోబర్‌ 16 నుంచి డిసెంబర్‌ 6 వరకు బెస్ట్‌ వెదర్‌ అల్‌ వాస్మ్‌ యూఏఈ వాసుల్ని, పర్యాటకుల్ని ఆకట్టుకోనుందని అరబ్‌ యూనియన్‌ ఫర్‌ స్పేస్‌ అండ్‌ ఆస్ట్రోనమీ సైన్సెస్‌ మెంబర్‌ ఇబ్రహమీమ్‌ అల్‌ జర్వాన్‌ చెప్పారు. ఈ సీజన్‌ 52 రోజులపాటు వుంటుందనీ, కొన్ని సందర్భాల్లో ఇది 60 రోజుల వరకూ కొనసాగే అవకాశాలు వుంటాయని ఆయన తెలిపారు. అల్‌ వాస్మ్‌ సీజన్‌ తర్వాత వింటర్‌ ముగుస్తుందనీ, అరబ్స్‌కి ఇది చాలా ప్రత్యేకమైన సీజన్‌ అని అల్‌ జర్వాన్‌ పేర్కొన్నారు.