ప్రముఖ విమానయాన సంస్థ గోఎయిర్ చిన్న నగరాలు, పట్టణాలకు కూడా తమ సేవల్ని విస్తరిస్తోంది. దీనికోసం కొత్తగా 12 డెయిలీ సర్వీసుల్ని నడిపేందుకు సిద్ధమవుతున్నట్లు సంస్థ వెల్లడించింది. రానున్న వేసవి సీజన్కి వీలుగా మార్చి 27 నుంచి ఈ సర్వీసులు ప్రారంభమవుతాయని చెప్పింది. ఈ విషయమై గోఎయిర్ చీఫ్ ఎగ్జిక్యూటివ్ ఆఫీసర్ వాల్ఫ్గేంగ్ ప్రోక్ స్కావియర్ మాట్లాడారు. కొత్తగా మరో నాలుగు రూట్లలో తమ సర్వీసులు మొదలవుతాయని చెప్పారు. పోర్ట్ బ్లెయర్ నుంచి బెంగళూరుకు, లెహ్ నుంచి ముంబయికి తమ విమానాల్ని నడపనున్నామన్నారు. ముంబయిదిల్లీబెంగళూరులకు మంచి సమయాల్లో విమానాలన్ని నడపడంతోపాటు, చిన్న పట్టణాలకు సేవల్ని విస్తరిస్తామన్నారు.