వివాదాల దర్శకుడు రామ్ గోపాల్ వర్మ ప్రస్తుతం 'కమ్మ రాజ్యంలో కడప రెడ్లు' సినిమాతో రానున్నాడు. ఇప్పటికే ఈ సినిమా టైటిల్, సన్నివేశాల విషయంలో పలు ఆరోపణలు చోటు చేసుకున్న సంగతి విదితమే. ఈ క్రమంలోనే టీవీ9 బిగ్ న్యూస్ బిగ్ డిబేట్‌కు ప్రత్యేక అతిధిగా విచ్చేసిన వర్మ.. సినిమా టైటిల్‌ను సడన్‌గా మార్చేశారు. 'కమ్మ రాజ్యంలో కడప రెడ్లు' అనే టైటిల్‌ను 'అమ్మరాజ్యంలో కడప బిడ్డలు' అని మార్చారు.

ఈ సినిమా టైటిల్‌పై పలు వివాదాలు చెలరేగడమే కాకుండా.. కేఏపాల్ కూడా తనను కించపరిచేలా ఉందని ఫిర్యాదు చేయడంతోనే టైటిల్ మార్చానని రామ్ గోపాల్ వర్మ చెప్పుకొచ్చారు. కాగా, ఈ సినిమా ఈ నెల 28న విడుదల కానుండగా.. ఏపీలో మాత్రం ఈ సినిమా అనుకున్న సమయానికి రిలీజ్ అవుతుందో లేదో వేచి చూడాలి.