మస్కట్‌: పోలీస్‌ అధికారి వేషం వేసి కారు హైజాక్‌కి పాల్పడిన క్రిమినల్‌కి మూడేళ్ళ జైలు శిక్ష 200 ఒమన్‌ రియాల్స్‌ జరీమానా విధించింది న్యాయస్థానం. మే 5న ఈ ఘటన చోటు చేసుకుంది. ఓ వ్యక్తి తన కారు డోర్‌ కొట్టి, పోలీస్‌ అధికారిలా తనను బెదిరించారంటూ బాధితుడు ఫిర్యాదు చేయడం జరిగింది. విచారణ చేపట్టిన అధికారులు, నిందితుడ్ని గుర్తించి అదుపులోకి తీసుకున్నారు. కారుతో సహా తనను కిడ్నాప్‌ చేసిన నిందితుడు, తనను కొంత దూరం తీసుకెళ్ళి కారులోంచి తోసేసినట్లు బాధిత వ్యక్తి పేర్కొన్నారు. బాధితుడి నుంచి నిందితుడు మొబైల్‌ ఫోన్‌తోపాటు 150 ఒమన్‌ రియాల్స్‌ కూడా దొంగిలించాడు. విచారణ సందర్భంగా నిందితుడు తన నేరాన్ని అంగీకరించాడు.