సౌదీ అరేబియా:న్యూ ఇయర్ ఈవెంట్ దగ్గరపడుతున్న వేళ సౌదీ అరేబియా అధికారులు కీలక ప్రకటన చేశారు. లైసెన్స్ లేకుండా జరిపే న్యూ ఇయర్ సెలబ్రేషన్స్ ఈవెంట్ ను బ్యాన్ చేశారు. కేపిటల్ సిటీ రియాద్ లోని మెల్హామ్ లో న్యూ ఇయర్ సెలబ్రేషన్ ఈవెంట్ పై కొద్ది రోజులుగా విస్తృతంగా ప్రచారం జరుగుతోంది. ఫైర్ వర్క్స్, డీజే షోతో సెలబ్రేషన్స్ అదిరిపోతాయని సోషల్ మీడియాలో విపరీతంగా ఈవెంట్ క్యాంపేన్ జరిగింది. దీనిపై స్పందించిన అధికారులు..మెల్హామ్ సెలబ్రేషన్స్ కు లైసెన్స్ లేదని..ఈవెంట్ జరగటం లేదని క్లారిటీ ఇచ్చారు. ఈవెంట్ ను రద్దు చేసి ఆర్గనైజర్ పై లీగల్ యాక్షన్ తీసుకోవాల్సిందిగా పోలీసులకు ఆదేశాలు అందినట్లు తెలుస్తోంది.