సుకుమార్‌ దర్శకత్వంలో ఎన్టీఆర్‌ కథానాయకుడిగా రూపొందిన 'నాన్నకు ప్రేమతో' సంక్రాంతి కానుకగా విడుదలై అభిమానులను ఆకట్టుకుంటూ విజయపథంలో దూసుకెళ్తొంది. ఈ చిత్రంలో సినిమా చివరన వినిపించే 'నాన్నకు ప్రేమతో'.. గీతం ప్రేక్షకులను మంత్ర ముగ్ధులను చేయడమే కాదు థియేటర్‌ నుంచి బయటికి వచ్చినా ఆ అనుభూతిని వెంట తీసుకెళ్లేలా చేసింది. ఈ నేపథ్యంలో చిత్ర బృందం ప్రసాద్‌ ల్యాబ్స్‌లో శనివారం నిర్వహించిన ఓ ప్రత్యేక కార్యక్రమంలో టైటిల్‌ సాంగ్‌ను విడుదల చేసింది. ఈ కార్యక్రమంలో ఎన్టీఆర్‌, రకుల్‌ప్రీత్‌ సింగ్‌, రాజేంద్ర ప్రసాద్‌, సుకుమార్‌, దేవిశ్రీప్రసాద్‌, విజయ్‌చక్రవర్తి, బీవీఎస్‌ఎన్‌ ప్రసాద్‌ పాల్గొని మాట్లాడారు.