యూఏఈ: ఓ బ్యాంకు వినియోగదారుడు 0.01 దిర్హామ్‌లు చెల్లించకపోవడంతో అతని క్రెడిట్‌ స్కోర్‌ నెగెటివ్‌లోకి వెళ్ళిపోయింది. తన క్రెడిట్‌ స్కోర్‌ నెగెటివ్‌లోకి వెళ్ళడంపై సదరు ఖాతాదారుడు ఆందోళన చెందుతూ బ్యాంకుని సంప్రదిస్తే అసలు విషయం వెల్లడించింది. 0.01 దిర్హామ్‌ల అన్‌పెయిడ్‌ బ్యాలెన్స్‌ వుండడంతోనే ఇలా జరిగినట్లు బ్యాంకు సిబ్బంది, ఆ ఖాతాదారుడికి తెలియజేశారు. బ్యాంకింగ్‌ సిస్టమ్‌ డిజిటలైజేషన్‌ అయిపోవడంతోనే ఇలాంటివి జరుగుతుంటాయనీ, ఇవేవీ అసాధారణమైన విషయాలు కావని బ్యాంకింగ్‌ సెక్టార్‌ ఎక్స్‌పర్ట్‌ అయిన అవాతెఫ్‌ అల్‌ హెర్మౌది చెప్పారు. క్రెడిట్‌ కార్డు వినియోగదారులు నిర్ణీత గడువు తర్వాత బ్యాంకుని సంప్రదించి సమస్యలేమైనా వున్నాయేమో తెలుసుకోవాలని ఆమె సూచించారు.