-10 వేల పింఛన్, డబుల్ బెడ్ రూం ఇవ్వాలని సాంస్కృతిక శాఖ డైరెక్టర్‌కు ఆదేశంరంగస్థల నటి, క్యారెక్టర్ ఆర్టిస్ట్ పావలా శ్యామల ను సీఎం కేసీఆర్ పెద్ద మనసుతో ఆదుకున్నారు. నమస్తే తెలంగాణ దినపత్రిక జిందగీలో ప్రచురితమైన పావలా లేని శ్యామల కథనానికి స్పందించిన కేసీఆర్ అన్ని విధాలా అండగా ఉంటానని ఆమెకు భరోసానిచ్చారు. ఆదివారం ఉదయం సీఎం క్యాంపు కార్యాలయంలో పావలా శ్యామల సీఎం కేసీఆర్‌ను కలిశారు. ఈ సందర్భంగా కేసీఆర్ శ్యామలకు తక్షణ సాయం కింద రూ. 20 వేలు ఇచ్చారు. తెలంగాణ సాంస్కృతిక శాఖ తరపున నెలకు రూ. 10 వేలు పింఛన్ ఇవ్వాలని డైరెక్టర్ మామిడి హరికృష్ణను ఆదేశించారు. ఇంటి అద్దె కట్టడానికి ఇబ్బంది పడుతున్న శ్యామలకు డబుల్ బెడ్‌రూమ్ మంజూరు చేయాలని అధికారులకు ఆదేశాలు జారీ చేశారు.శ్యామల వెంట ఆమె కూతురు మాధవి కూడా ఉన్నారు.