దుబాయ్:సర్వీస్ సెక్టార్ లో బెస్ట్, వరెస్ట్ సర్వీస్ సెంటర్ల లిస్ట్ ను దుబాయ్ ఫెడరల్ ప్రభుత్వం సిద్ధం చేసింది. ప్రజలకు అత్యుత్తమ సేవలు అందించిన సంస్థతో పాటు, వరెస్ట్ కేటగిరిలో ఉన్న సర్వీస్ సెంటర్లను సోషల్ మీడియా వేదికగా ప్రకటించింది. సర్వీస్ అందుకున్న కస్టమర్ హ్యాపినెస్, కస్టమర్ రివ్యూ ఆధారంగా మూడు బెస్ట్ సర్వీస్ సెంటర్లను, మూడు వరెస్ట్ సెంటర్లను ఎంపిక చేసారు. దుబాయ్ రూలర్ షేక్ మొహమ్మద్ బిన్ రషీద్ అల్ మక్తూమ్ ఆదేశాల మేరకు దుబాయ్ క్రౌన్ ప్రిన్స్ షేక్ హమ్దాన్ బిన్ మహ్మద్ బిన్ రషీద్ అల్ మక్తూమ్ బెస్ట్, వరెస్ట్ సర్వీస్ సెంటర్లను ప్రకటించారు.