క్రేజీ స్టార్ విజయ్ దేవరకొండ హీరోగా డాషింగ్ డైరెక్టర్ పూరి జగన్నాథ్ దర్శకత్వంలో రూపొందుతోన్న చిత్రం `ఫైటర్‌`. సోమవారం ఈ చిత్రం లాంఛనంగా ప్రారంభమైంది. తొలి సన్నివేశానికి ఛార్మి క్లాప్ కొట్టారు. బాలీవుడ్ నిర్మాత కరణ్ జోహార్ ధర్మ ప్రొడక్షన్స్‌, పూరి కనెక్ట్‌, పూరి టూరింగ్ టాకీస్ పతాకాలపై పూరి, ఛార్మి, కరణ్‌జోహార్ ఈ చిత్రాన్ని నిర్మిస్తున్నారు. పాన్ ఇండియా చిత్రంగా సినిమాను విడుదల చేయడానికి ప్లాన్స్ జరుగుతున్నాయి. ఈ సినిమా కోసం విజయ్ దేవరకొండ సరికొత్త లుక్‌లో కనపడబోతున్నారు. హెయిర్ స్టైల్ మార్చుకోవడమే కాదు.. పూరి హీరో స్టైల్లో ఫిజిక్ పరంగానూ విజయ్ దేవరకొండ సరికొత్తగా కనపడబోతున్నారు. ఇస్మార్ట్ శంకర్ వంటి హిట్ తర్వాత పూరి దర్శకత్వంలో తెరకెక్కుతోన్న చిత్రమిదే.