ఫోన్‌ కాల్స్‌, మెసేజ్‌, ఇ-మెయిల్‌ ద్వారా బహుమతులు గెలుచుకున్నారంటూ మోసాలకు కొందరు యత్నిస్తన్నారనీ వారి పట్ల అప్రమత్తంగా ఉండాలని యాంటీ కరప్షన్‌ మరియు ఎకనమిక్‌ ఎలక్ట్రానిక్‌ సెక్యూరిటీ డైరెక్టర్‌ జనరల్‌ బహ్రెయిన్‌ పౌరులకు హెచ్చరించారు. ఎట్టి పరిస్థితుల్లోనూ వ్యక్తిగత బ్యాంకు ఖాతాల వివరాలను ఫేక్‌ మెసేజ్‌లకు సమాధానంగా ఇవ్వరాదని అధికారులు హెచ్చరిక ఆదేశాలు జారీ చేశారు. బహ్రెయిన్‌లో ఇటీవల ఇలాంటి ఫ్రాడ్‌ కేసులు ఎక్కువగా వెలుగు చూస్తున్నాయనీ, వివిధ దేశాలకు చెందిన పౌరులు మోసపోయారని అధికారులు చెప్పారు. ఎవరైనా ఫ్రాడ్‌ కాల్స్‌ లేదా మెసేజెస్‌, ఈ-మెయిల్స్‌ పొందినట్లయితే వెంటనే 992 హాట్‌లైన్‌కి ఫిర్యాదు చేయాలని అధికారులు సూచించారు.