ఎగతాళికి ఏకంగా సైనికులే దొరికారు అన్నట్లుగా ప్రవర్తించారు ఆ ఇరువురు అందుకు ప్రతిఫలాన్ని కోర్టు 
ద్వారా శిక్షను తీసుకోక తప్పలేదు. యునైటెడ్ అరబ్ ఎమరేట్స్ జాతీయ సైనిక ఏకరూప దుస్తులను 
ధరించిన ఆ ఇరువురు వ్యక్తులు అశ్లీకరమైన  సైగలు చేస్తూ వికారపు చేష్టలను చిత్రీకరించిన ఒక వీడియో 
క్లిప్పింగును పలువురిని నవ్వించేందుకు షేర్ చేసి ఇరుకున పడ్డారు. అబుధాబి పబ్లిక్ ప్రాసేక్యుషన్ ఈ 
విషయాన్ని తీవ్రంగా పరిగణించి వారిని అరెస్ట్ చేయాల్సిందిగా ఆదేశాలు జారీ చేసింది. వీరు సైన్యంలో పనిచేస్తున్నవారి గౌరవాన్ని, నైతిక విలువలను కించపరుస్త హెళనకరమైన వీడియోను పలువురికి పంపించారు. యావత్ యునైటెడ్ అరబ్ ఎమరేట్స్ దేశాలను మిగిలిన వారి వద్ద కించపరచడం సరికాదని  ప్రాసేక్యుషన్ ఆరోపించింది. సైనిక దళాల గౌరవ మర్యాదలు , దేశ ప్రతిష్టను కాపాడాల్సిన బాధ్యత ప్రతి పౌరుని పైనా ఉందని ఈ సందర్భంగా వారు వాఖ్యానించారు.