టైటానియం, గోల్డ్‌ మరియు డైమండ్‌ ఇన్‌లేస్‌తో కూడిన ఐ వేర్‌ ఫ్రేమ్స్‌ (స్పెక్టకల్స్‌) దుబాయ్‌లో 650,000 దిర్హామ్‌లకు అమ్ముడయ్యాయి. ఓ వ్యక్తి విజన్‌ ఎక్స్‌ ఎక్స్‌బిషన్‌లో ఈ ఖరీదైన ఫ్రేమ్స్‌ని కొనుగోలు చేశారు. దుబాయ్‌ వరల్డ్‌ ట్రేడ్‌ సెంటర్‌లో డిసెంబర్‌ 6 నుంచి 8 వరకు జరిగిన ఆప్టికల్‌ ట్రేడ్‌ షోలో బెంట్లే రేంజ్‌ ఈ ఖరీదైన ఫ్రేమ్స్‌ని అమ్మకానికి సిద్ధం చేసింది. ప్రపంచంలో తొలిసారిగా ఈ ట్రేడ్‌ని బెంట్లే నిర్వహించింది. 5,000 దిర్హామ్‌లనుంచి లగ్జరీ ఐటమ్స్‌ లభ్యమవుతాయి. 18 క్యారెట్‌ గోల్డ్‌ ఫ్రేమ్స్‌ 28,000 ధరలో ఉన్నాయి. ఈ ప్రీమియర్‌ ఆప్టికల్‌ ఐ వేర్‌ ఈవెంట్‌లో 29 దేశాల నుంచి 141 మంది ఎగ్జిబిటర్స్‌, 265 బ్రాండ్స్‌ని ప్రదర్శన మరియు, అమ్మకానికి ఉంచాయి.