దుబాయ్ లో సీజనల్ పార్కింగ్ కార్డ్స్ ఇక నుంచి మంత్లీ, క్వార్టర్లీ, సెమీ ఆన్యువల్, ఆన్యువల్ రేట్లతో అందుబాటులో ఉండనున్నాయి. ఈ మేరకు దుబాయ్ క్రౌన్ ప్రిన్స్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తూమ్ ఎగ్జిక్యూటివ్ కౌన్సిల్ రిజల్యూషన్ నంబర్ (11) జారీ చేశారు. కొత్త తీర్మానం కోసం గతంలోని ఎగ్జిక్యూటీవ్ కౌన్సిల్ రెజల్యూషన్ నెం.5(2016)  లో సవరణలు చేశారు. అంతేకాదు కొత్త రిజల్యూషన్ ప్రకారం దుబాయ్ ట్రాఫిక్, రోడ్ ఏజెన్సీ, ట్రాన్స్ పోర్ట్ అథారిటీ కూడా నెలవారీ కార్ పార్కింగ్ అనుమతులను జారీ చేయనుంది. అయితే..కేవలం మూడు, ఆరు నెలలతో పాటు ఇయర్ వైజ్ గా అనుమతులు ఇవ్వనుంది. ఇక కార్ పార్కింగ్ పర్మిట్ లో ఫీజును పబ్లిక్ కార్ పార్క్ ను బట్టి మంత్లీ, యాన్యువల్ ఫీజు ఉంటుంది.