బహ్రెయిన్ లో ఉన్నసౌదీ పౌరులకు ఆ దేశం డెడ్ లైన్ విధించింది. సౌదీ రావాలనుకుంటే 72 గంటల్లోగా బహ్రెయిన్ విడిచి సౌదీకి ప్రయాణం కావాలని డెడ్ లైన్ విధించింది. ఈ మేరకు బహ్రెయిన్ లోని సౌదీ రాయబార కార్యాలయం ఓ ప్రకటన విడుదల చేసింది. అంతేకాదు..సౌదీ చేరుకోవాలనుకునే వారు డెడ్ లైన్ విధించిన 72 గంటల్లో కింగ్ ఫాహ్ద్ కాజ్ వే మీదుగా ప్రయాణం చేయవచ్చని పేర్కొంది. ఒక వేళ ట్రాన్స్ పోర్టేషన్ లేని వాళ్లు ఉంటే గల్ఫ్ ఎయిర్ ద్వారా రిటర్న్ కావొచ్చని కూడా సూచించింది. దీనికి సంబంధించి వివరాలు తెలుసుకునేందుకు కాల్ సెంటర్ ను ఏర్పాటు చేసింది. 17537722కి గానీ, సౌదీ అఫైర్స్ ఎమర్జెన్సీ 0097333500012కిగానీ కాల్ చేసి ఎంక్వైరీ చేసుకునే అవకాశం కల్పించారు.