కువైట్:కరోనా వైరస్ ప్రమాద ఘంటికలు మోగిస్తుండటంతో కువైట్ ప్రభుత్వం మరింత అప్రమత్తమైంది. ఫారెన్ నుంచి వచ్చిన వారి నుంచి వైరస్ వ్యాప్తి చెందే అవకాశాలు ఉండటంతో ముందు జాగ్రత్త చర్యలు చేపట్టింది. కువైట్ లోకి ప్రవేశించిన విదేశీయులు అందరికీ మెడికల్ చెకప్ చేయాలని నిర్ణయించింది. ఫిబ్రవరి 27 తర్వాత వచ్చిన వారందరు ఖచ్చితంగా వైరస్ నిర్ధారణ పరీక్షలు చేయించుకోవాలని సూచించింది. మిష్రఫ్ ఇంటర్నేషనల్ గ్రౌండ్ లో వ్యాధి నిర్ధారణ పరీక్షలు చేపట్టింది. గురువారం ఉదయం నుంచి మెడికల్ చెకప్ డ్రైవ్ చేపట్టింది. ఈజిప్టియన్స్, లెబనిస్, సిరియన్స్ కి ఇప్పటికే వైరస్ నిర్ధారణ పరీక్షలు చేపట్టింది. ఇండియాతో సహా 23 వైరస్ ఎఫెక్టెడ్ దేశాల నుంచి వచ్చిన వారు తప్పనిసరిగా టెస్ట్ చేయించుకోవాలని కువైట్ తెలిపింది.

--దివాకర్ (మాగల్ఫ్ ప్రతినిధి,కువైట్)